Ногоон картны сугалаанд бүртгүүлэхэд доорхи 3 шалгуурыг заавал хангасан байх ёстой:
1. Сугалаанд оролцохыг зөвшөөрсөн улсын иргэн байх.
2. Тодорхой шатны боловсрол эсвэл мэргэжлийн зэрэгтэй байх.
3. Цагаачлалын визний бусад шалгуурт тэнцэхүйц байх.
Хүмүүсийн АНУ-д ажиллаж, амьдрах хүслийг далимдуулан мөнгө олох зорилгоор хууль бус үйл ажиллагаа явуулдаг олон хувь хүн, компаниуд байдаг. Тэднээс өөрийгөө хамгаалахын тулд доорхи мэдээллийг анхаарна уу:
• Таны сугалаанд хожих боломжийг хэн ч нэмэгдүүлж чадахгүй.
• Хожлыг тохиолдлын журмаар, комьютэрээр тааруулдаг учир үүнд хэн ч нөлөөлөх боломжгүй.
• Нэг хүн сугалаанд нэг л удаа бүртгүүлнэ. Хэрэв та нэг жилийн дотор нэгээс дээш удаа бүртгүүлбэл бүх бүртгэл хүчингүй болно.
• Хожсон тухай мэдэгдэл Төрийн Департаментаас шуудангаар бус имэйлээр ирнэ.
• Таныг хожсон хэмээн залгаж байгаа утасны дуудлага болон шууданд бүү хариулаарай.
- Хэрэв нэг хүний нэр дээр НЭГЭЭС олон бүртгэл ирвэл, хэн оруулсан нь хамаагүй тухайн хүний бүх бүртгэлийг сугалаанд оруулалгүй хасна. Та өөрөө сугалаанд бүртгүүлж буюу өөр хүнээр туслуулан бүртгүүлж болно.
- Бүртгэл амжилттай болсон тохиолдолд таны нэр, баталгаажсан бүртгэлийн дугаар баталгааны хуудас гарч ирнэ.